کوئی حد نہیں ہے کمال کی — منیرنیازی
شاعر
کوئی حد نہیں ہے کمال کی
کوئی حد نہیں ہے کمال کی
کوئی حد نہیں ہے جمال کی
وہی قرب و دور کی منزلیں
وہی شام خواب و خیال کی
نہ مجھے ہی اس کا پتہ کوئی
نہ اسے خبر مرے حال کی
یہ جواب میری صدا کا ہے
کہ صدا ہے اس کے سوال کی
یہ نماز عصر کا وقت ہے
یہ گھڑی ہے دن کے زوال کی
وہ قیامتیں جو گزر گئیں
تھیں امانتیں کئی سال کی
ہے منیرؔ تیری نگاہ میں
کوئی بات گہرے ملال کی
Koi had nahin hai kamaal ki
Koi had nahin hai kamaal ki
Koi had nahin hai jamaal ki
Wahi qurb-o-door ki manzilein
Wahi shaam-e-khwab-o-khayal ki
Na mujhe hi is ka pata koi
Na use khabar mere haal ki
Ye jawab meri sada ka hai
Ke sada hai us ke sawal ki
Ye namaz-e-asr ka waqt hai
Ye ghadi hai din ke zawaal ki
Wo qayamatain jo guzar gayin
Thiin amanatain kai saal ki
Hai Muneer teri nigah mein
Koi baat gehre malaal ki
شاعر کے بارے میں
منیر نیازی 19 اپریل 1928ء کو ہوشیار پور کے قصبہ خان پور کے اک پشتون گھرانے میں پپدا ہوئے۔ ان کے والد محمد فتح خان محکمۂ انہار میں ملازم تھے لیکن خ...
مکمل تعارف پڑھیں