بہت تاریک صحرا ہو گیا ہے — نوشی گیلانی
شاعر
بہت تاریک صحرا ہو گیا ہے
بہت تاریک صحرا ہو گیا ہے
ہوا کا شور گہرا ہو گیا ہے
کسی کے لمس کا یہ معجزہ ہے
بدن سارا سنہرا ہو گیا ہے
یہ دل دیکھوں کہ جس کے چار جانب
تری یادوں کا پہرا ہو گیا ہے
وہی ہے خال و خد میں روشنی سی
پہ تل آنکھوں کا گہرا ہو گیا ہے
کبھی اس شخص کو دیکھا ہے تم نے
محبت سے سنہرا ہو گیا ہے
Bahut tareek sehra ho gaya hai
Bahut tareek sehra ho gaya hai
Hawa ka shor gehra ho gaya hai
Kisi ke lams ka ye mo'jiza hai
Badan saara sunhara ho gaya hai
Ye dil dekhun ke jiske chaar jaanib
Teri yaadon ka pehra ho gaya hai
Wohi hai khaal-o-khad mein roshni si
Pe til aankhon ka gehra ho gaya hai
Kabhi us shakhs ko dekha hai tum ne
Mohabbat se sunhara ho gaya hai
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں