محبتیں جب شمار کرنا تو سازشیں بھی شمار کرنا — نوشی گیلانی
شاعر
محبتیں جب شمار کرنا تو سازشیں بھی شمار کرنا
محبتیں جب شمار کرنا تو سازشیں بھی شمار کرنا
جو میرے حصے میں آئی ہیں وہ اذیتیں بھی شمار کرنا
جلائے رکھوں گی صبح تک میں تمہارے رستوں میں اپنی آنکھیں
مگر کہیں ضبط ٹوٹ جائے تو بارشیں بھی شمار کرنا
جو حرف لوح وفا پہ لکھے ہوئے ہیں ان کو بھی دیکھ لینا
جو رائیگاں ہو گئیں وہ ساری عبارتیں بھی شمار کرنا
یہ سردیوں کا اداس موسم کہ دھڑکنیں برف ہو گئی ہیں
جب ان کی یخ بستگی پرکھنا تمازتیں بھی شمار کرنا
تم اپنی مجبوریوں کے قصے ضرور لکھنا وضاحتوں سے
جو میری آنکھوں میں جل بجھی ہیں وہ خواہشیں بھی شمار کرنا
Mohabbatain jab shumar karna toh saazishein bhi shumar karna
Mohabbatain jab shumar karna toh saazishein bhi shumar karna
Jo mere hisse mein aayi hain woh aziyatein bhi shumar karna
Jalaaye rakhoon gi subah tak main tumhare raston mein apni aankhein
Magar kahin zabt toot jaaye toh baarishein bhi shumar karna
Jo harf-e-lauh-e-wafa pe likhe hue hain un ko bhi dekh lena
Jo raaygaan ho gayin woh saari ibaratain bhi shumar karna
Yeh sardiyon ka udaas mausam ke dhadkanein barf ho gayin hain
Jab un ki yakh bastagi parkhna tamazatain bhi shumar karna
Tum apni majbooriyon ke qisse zaroor likhna wazahaton se
Jo meri aankhon mein jal bujhi hain woh khwahishein bhi shumar karna
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں