ہر ذرۂ امید سے خوشبو نکل آئے — نوشی گیلانی
شاعر
ہر ذرۂ امید سے خوشبو نکل آئے
ہر ذرۂ امید سے خوشبو نکل آئے
تنہائی کے صحرا میں اگر تو نکل آئے
کیسا لگے اس پار اگر موسم گل میں
تتلی کا بدن اوڑھ کے جگنو نکل آئے
پھر دن تری یادوں کی منڈیروں پہ گزارا
پھر شام ہوئی آنکھ میں آنسو نکل آئے
بے چین کیے رہتا ہے دھڑکا یہی جی کو
تجھ میں نہ زمانے کی کوئی خو نکل آئے
پھر دل نے کیا ترک تعلق کا ارادہ
پھر تجھ سے ملاقات کے پہلو نکل آئے
Har zarra-e-ummeed se khushboo nikal aaye
Har zarra-e-ummeed se khushboo nikal aaye
Tanhai ke sehra mein agar tu nikal aaye
Kaisa lage us paar agar mausam-e-gul mein
Titli ka badan odh ke jugnu nikal aaye
Phir din teri yaadon ki munderon pe guzara
Phir shaam hui aankh mein aansoo nikal aaye
Bechain kiye rehta hai dhadka yahi ji ko
Tujh mein na zamane ki koi khoo nikal aaye
Phir dil ne kiya tark-e-ta'alluq ka irada
Phir tujh se mulaqat ke pehlu nikal aaye
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں