اعتراف — نوشی گیلانی
شاعر
اعتراف
بھولتا کون ہے
وقت کے گھاؤ کو
ہجر کے تندطوفان کی بے یقین لہر میں
وصل کے خواب کی ڈوبتی ناؤ کو
بھولتا کون ہے
بھولتا کون ہے
اپنے قاتل کے خدوخال کو
دُکھ اُٹھاتے دنوں اور ماہ وسال کو
بھولتا کون ہے
بھولتا کون ہے
عمر کی شاخ پر کھلنے والی اس اک اوّلین شام کو
بے سبب جو لگا ہے اِس الزام کو
پھر تِرے نام کو
بھولتا کون ہے ۔۔!
E'taraf
Bhoolta kaun hai
Waqt ke ghao ko
Hijr ke tund toofan ki be-yaqeen lehr mein
Wasl ke khwab ki doobti nao ko
Bhoolta kaun hai
Bhoolta kaun hai
Apne qatil ke khud-o-khal ko
Dukh uthate dino aur maah-e-wisal ko
Bhoolta kaun hai
Bhoolta kaun hai
Umar ki shakh par khilne wali is ek awwalin shaam ko
Be sabab jo laga hai is ilzam ko
Phir tere naam ko
Bhoolta kaun hai..!!
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں