ہر جانب ویرانی بھی ہو سکتی ہے — نوشی گیلانی
شاعر
ہر جانب ویرانی بھی ہو سکتی ہے
ہر جانب ویرانی بھی ہو سکتی ہے
صبح کی رنگت دھانی بھی ہو سکتی ہے
جب کشتی ڈالی تھی کس نے سوچا تھا
دریا میں طغیانی بھی ہو سکتی ہے
نئے سفر کے نئے عذاب اور نئے گلاب
صورت حال پرانی بھی ہو سکتی ہے
ہر پل جو دل کو دہلائے رکھتی ہے
کچھ بھی نہیں حیرانی بھی ہو سکتی ہے
سفر ارادہ کر تو لیا پر رستوں میں
رات کوئی طوفانی بھی ہو سکتی ہے
اس کو میرے نام سے نسبت ہے لیکن
بات یہ آنی جانی بھی ہو سکتی ہے
Har jaanib veerani bhi ho sakti hai
Har jaanib veerani bhi ho sakti hai
Subah ki rangat dhaani bhi ho sakti hai
Jab kashti daali thi kis ne socha tha
Darya mein tughyani bhi ho sakti hai
Naye safar ke naye azaab aur naye gulaab
Soorat-e-haal purani bhi ho sakti hai
Har pal jo dil ko dehlaaye rakhti hai
Kuch bhi nahin hairaani bhi ho sakti hai
Safar iraada kar to liya par raston mein
Raat koi toofani bhi ho sakti hai
Is ko mere naam se nisbat hai lekin
Baat yeh aani jaani bhi ho sakti hai
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں