کوئی مجھ کو مرا بھر پور سراپا لا دے — نوشی گیلانی
شاعر
کوئی مجھ کو مرا بھر پور سراپا لا دے
کوئی مجھ کو مرا بھر پور سراپا لا دے
مرے بازو ، مری آنکھیں، مرا چہرہ لا دے
ایسا دریا جو کسی اور سمندر میں گرے
اس سے بہتر ہے کہ مجھ کو مرا صحرا لا دے
کچھ نہیں چاہئے تجھ سے اے مری عمرِ رواں
مرا بچپن، مرے جگنو، مری گڑیا لا دے
جس کی آنکھیں مجھے اندر سے بھی پڑھ سکتی ہوں
کوئی چہرہ تو مرے شہر میں ایسا لا دے
کشتئ جاں تو بھنور میں ہے کئی برسوں سے
اے خدا اب تو ڈبو دے یا کنارا لا دے
Koi mujh ko mera bharpoor saraapa la de
Koi mujh ko mera bharpoor saraapa la de
Mere baazu, meri aankhein, mera chehra la de
Aisa darya jo kisi aur samundar mein gire
Usse behtar hai ke mujh ko mera sehra la de
Kuchh nahin chahiye tujh se aye meri umr-e-rawaan
Mera bachpan, mere jugnu, meri gudiya la de
Jiski aankhein mujhe andar se bhi padh sakti hon
Koi chehra to mere shahar mein aisa la de
Kashti-e-jaan to bhanwar mein hai kayi barson se
Aye Khuda ab to dubo de ya kinara la de
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں