ورثہ — نوشی گیلانی
شاعر
ورثہ
بیٹیاں بھی تو ماؤں جیسی ہوتی ہیں
ضبط کے زرد آنچل میں اپنے
سارے درد چھپا لیتی ہیں
روتے روتے ہنس پڑتی ہیں
ہنستے ہنستے دل ہی دل میں رو لیتی ہیں
خوشی کی خواہش کرتے کرتے
خواب اور خاک میں اٹ جاتی ہیں
سو حصوں میں بٹ جاتی ہیں
گھر کے دروازے پر بیٹھی
امیدوں کے ریشم بنتے ساری عمر گنوا
دیتی ہیں
میں جو گئے دنوں میں
ماں کی خوش فہمی پہ ہنس دیتی تھی
اب خود بھی تو
عمر کی گرتی دیواروں سے ٹیک لگائے
فصل خوشی کی بوتی ہوں
اور خوش فہمی کاٹ رہی ہوں
جانے کیسی رسم ہے یہ بھی
ماں کیوں بیٹی کو ورثے میں
اپنا مقدر دے دیتی ہے
Warsa
Betiyaan bhi to maaon jaisi hoti hain
Zabt ke zard aanchal mein apne
Saare dard chhupa leti hain
Rote rote hans padti hain
Hanste hanste dil hi dil mein ro leti hain
Khushi ki khwahish karte karte
Khwab aur khaak mein at jati hain
Sau hisson mein bat jati hain
Ghar ke darwaze par baithi
Umeedon ke resham bunte saari umr ganwa
Deti hain
Main jo gaye dinon mein
Maa ki khushfehmi pe hans deti thi
Ab khud bhi to
Umar ki girti deewaron se tek lagaye
Fasl khushi ki boti hoon
Aur khushfehmi kaat rahi hoon
Jaane kaisi rasm hai ye bhi
Maa kyun beti ko virse mein
Apna muqaddar de deti hai
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں