وہ بات بات میں اتنا بدلتا جاتا ہے — نوشی گیلانی
شاعر
وہ بات بات میں اتنا بدلتا جاتا ہے
وہ بات بات میں اتنا بدلتا جاتا ہے
کہ جس طرح کوئی لہجہ بدلتا جاتا ہے
یہ آرزو تھی کہ ہم اس کے ساتھ ساتھ چلیں
مگر وہ شخص تو رستہ بدلتا جاتا ہے
رتیں وصال کی اب خواب ہونے والی ہیں
کہ اس کی بات کا لہجہ بدلتا جاتا ہے
رہا جو دھوپ میں سر پر مرے وہی آنچل
ہوا چلی ہے تو کتنا بدلتا جاتا ہے
وہ بات کر جسے دنیا بھی معتبر سمجھے
تجھے خبر ہے زمانہ بدلتا جاتا ہے
Woh baat baat mein itna badalta jata hai
Woh baat baat mein itna badalta jaata hai
Ke jis tarah koi lehja badalta jaata hai
Yeh aarzoo thi ke hum us ke saath saath chalein
Magar woh shakhs to rasta badalta jaata hai
Ratein visaal ki ab khwab hone wali hain
Ke us ki baat ka lehja badalta jaata hai
Raha jo dhoop mein sar par mere wahi aanchal
Hawa chali hai to kitna badalta jaata hai
Woh baat kar jise dunya bhi mo'tabar samjhe
Tujhe khabar hai zamana badalta jaata hai
شاعر کے بارے میں
نوشی گیلانی (اصل نام: نشاط گیلانی) اردو ادب کی ایک ممتاز اور ہمہ جہت شاعرہ ہیں، جن کی پیدائش 14 مارچ 1964ء کو بہاولپور، پنجاب میں ہوئی۔ ان کا تعلق ...
مکمل تعارف پڑھیں