باغ عالم میں رہے شادی و ماتم کی طرح — قمرجلالوی
شاعر
باغ عالم میں رہے شادی و ماتم کی طرح
باغ عالم میں رہے شادی و ماتم کی طرح
پھول کی طرح ہنسے رو دئے شبنم کی طرح
شکوہ کرتے ہو خوشی تم سے منائی نہ گئی
ہم سے غم بھی تو منایا نہ گیا غم کی طرح
روز محفل سے اٹھاتے ہو تو دل دکھتا ہے
اب نکلواؤ تو پھر حضرت آدم کی طرح
لاکھ ہم رند سہی حضرت واعظ لیکن
آج تک ہم نے نہ پی قبلۂ عالم کی طرح
تیرے انداز جراحت کے نثار اے قاتل
خون زخموں پہ نظر آتا ہے مرہم کی طرح
خوف دل سے نہ گیا صبح کے ہونے کا قمرؔ
وصل کی رات گزاری ہے شب غم کی طرح
Bagh-e-alam mein rahe shadi-o-matam ki tarah
Bagh-e-alam mein rahe shadi-o-matam ki tarah
Phool ki tarah hanse ro diye shabnam ki tarah
Shikwa karte ho khushi tum se manai na gai
Ham se gham bhi to manaya na gaya gham ki tarah
Roz mehfil se uthate ho to dil dukhta hai
Ab niklawao to phir Hazrat-e-Adam ki tarah
Lakh hum rind sahi Hazrat-e-Waaiz lekin
Aaj tak hum ne na pi qibla-e-alam ki tarah
Tere andaaz-e-jarahat ke nisar aye qatil
Khoon zakhmon pe nazar aata hai marham ki tarah
Khauf dil se na gaya subh ke hone ka Qamarؔ
Wasl ki raat guzari hai shab-e-gham ki tarah
شاعر کے بارے میں
قمر جلالوی، جن کا اصل نام سید محمد حسین تھا، اردو کے معروف غزل گو شاعر تھے۔ ان کی پیدائش 1887ء میں برصغیر کے شہر جلالہ، ضلع علی گڑھ (اترپردیش، ہندو...
مکمل تعارف پڑھیں