سوال چھوڑ کہ حالت یہ کیوں بنائی ہے — قمرجلالوی
شاعر
سوال چھوڑ کہ حالت یہ کیوں بنائی ہے
سوال چھوڑ کہ حالت یہ کیوں بنائی ہے
اسے نہ سن جو کہانی سنی سنائی ہے
پتنگا شمع پہ مرتا ہے کیا برائی ہے
اسے کسی نے بھی روکا ہے جس کی آئی ہے
ہنسے ہیں گل نہ کلی کوئی مسکرائی ہے
حضور کیسے یہ کہہ دوں بہار آئی ہے
ضرور کوئی علامت قضا کی پائی ہے
مجھے عزیزوں نے صورت تری دکھائی ہے
نہ جانے ہجر کی رات اور مری سیہ بختی
کہاں کہاں کے اندھیرے سمیٹ لائی ہے
لحد سے کب اٹھیں دیکھو مسافران عدم
سفر ہے دور کا رستے میں نیند آئی ہے
اسیر کیا کہیں صیاد یہ تو سمجھا دے
قفس میں بوئے چمن پوچھنے کو آئی ہے
مجھے نہ چھیڑ قیامت ہے میری آہوں میں
خدا رکھے تری محفل سجی سجائی ہے
Sawal chhod ke halat yeh kyun banayi hai
Sawal chhod ke halat yeh kyun banayi hai
Use na sun jo kahani suni sunayi hai
Patanga shama pe marta hai kya burai hai
Use kisi ne bhi roka hai jis ki aai hai
Hanse hain gul na kali koi muskurai hai
Huzoor kaise yeh keh doon bahar aayi hai
Zaroor koi alamat qaza ki paayi hai
Mujhe azeezon ne soorat teri dikhayi hai
Na jaane hijr ki raat aur meri siyah bakhti
Kahan kahan ke andhere samet laayi hai
Lahad se kab uthein dekho musafiran-e-adam
Safar hai door ka raste mein neend aayi hai
Aseer kya kahein sayyad yeh to samjha de
Qafas mein boo-e-chaman poochne ko aayi hai
Mujhe na chhed qayamat hai meri aahon mein
Khuda rakhe teri mehfil saji sajayi hai
شاعر کے بارے میں
قمر جلالوی، جن کا اصل نام سید محمد حسین تھا، اردو کے معروف غزل گو شاعر تھے۔ ان کی پیدائش 1887ء میں برصغیر کے شہر جلالہ، ضلع علی گڑھ (اترپردیش، ہندو...
مکمل تعارف پڑھیں