بوسۂ خال کی قیمت مِری جاں ٹھہری ہے — قمرجلالوی
شاعر
بوسۂ خال کی قیمت مِری جاں ٹھہری ہے
بوسۂ خال کی قیمت مِری جاں ٹھہری ہے
چیز کتنی سی ہے اور کِتنی گراں ٹھہری ہے
چھیڑ کر پھر مجھے مصروف نہ کر نالوں میں
دو گھڑی کے لیے صیاد! زباں ٹھہری ہے
آہِ پُر سوز کو دیکھ اے دلِ کمبخت نہ روک
آگ نکلی ہے لگا کر، یہ جہاں ٹھہری ہے
صبح سے جنبشِ ابرو و مژہ سے پیہم
نہ تِرے تیر رکے ہیں، نہ کماں ٹھہری ہے
دم نکلنے کو ہے، ایسے میں وہ آ جائیں قمرؔ
صرف دم بھر کے لیے روح رواں ٹھہری ہے
Bosa-e-khal ki qeemat meri jaan thehri hai
Bosa-e-khal ki qeemat meri jaan thehri hai
Cheez kitni si hai aur kitni giran thehri hai
Chhed kar phir mujhe masroof na kar nalon mein
Do ghadi ke liye sayyad! zuban thehri hai
Aah-e-pur soz ko dekh aye dil-e-kambakht na rok
Aag nikli hai laga kar, yeh jahan thehri hai
Subh se junbish-e-abroo-o-mizhgan se paiham
Na tere teer ruke hain, na kaman thehri hai
Dam nikalne ko hai, aise mein woh aa jayen Qamarؔ
Sirf dam bhar ke liye rooh-e-rawan thehri hai
شاعر کے بارے میں
قمر جلالوی، جن کا اصل نام سید محمد حسین تھا، اردو کے معروف غزل گو شاعر تھے۔ ان کی پیدائش 1887ء میں برصغیر کے شہر جلالہ، ضلع علی گڑھ (اترپردیش، ہندو...
مکمل تعارف پڑھیں