وہ نہ آئیں گے کبھی دیکھ کے کالے بادل — قمرجلالوی
شاعر
وہ نہ آئیں گے کبھی دیکھ کے کالے بادل
وہ نہ آئیں گے کبھی دیکھ کے کالے بادل
دو گھڑی کے لیے، اللہ ہٹا لے بادل
آج یوں جُھوم کے کچُھ آگئے کالے بادل
سارے میخانوں کے کھلوا گئے تالے بادل
آسماں صاف شبِ وصل سحر تک نہ ہُوا
اُس نے ہر چند دُعا مانگ کے ٹالے بادل
بال کھولے ہوئے، یوں سیر سرِ بام نہ کر
تیری زُلفوں کی سیاہی نہ اُڑا لے بادل
وقتِ رُخصت عجب انداز سے اُن کا کہنا
پھر دُعا کل کی طرح مانگ، بُلا لے بادل
میں تو برسات میں بھی چاندنی صدقے کردُوں
اے قمر! کیا کرُوں جب مجھ کو چُھپا لے بادل
Woh na aayenge kabhi dekh ke kaale badal
Woh na aayenge kabhi dekh ke kaale badal
Do ghadi ke liye, Allah hata le badal
Aaj yoon jhoom ke kuch aagaye kaale badal
Saare maikhanon ke khilwa gaye taale badal
Aasmaan saaf shab-e-wasl sahar tak na hua
Us ne har chand dua maang ke taale badal
Baal khole hue, yoon sair-e-sar-e-baam na kar
Teri zulfon ki siyahi na uda le badal
Waqt-e-rukhsat ajab andaaz se un ka kehna
Phir dua kal ki tarah maang, bula le badal
Main to barsaat mein bhi chandni sadqe kar doon
Aye Qamar! kya karoon jab mujh ko chhupa le badal
شاعر کے بارے میں
قمر جلالوی، جن کا اصل نام سید محمد حسین تھا، اردو کے معروف غزل گو شاعر تھے۔ ان کی پیدائش 1887ء میں برصغیر کے شہر جلالہ، ضلع علی گڑھ (اترپردیش، ہندو...
مکمل تعارف پڑھیں