داغ گر چاند کا دنیا کو نظر آ جاتا — رانا احمد شہید
شاعر
داغ گر چاند کا دنیا کو نظر آ جاتا
داغ گر چاند کا دنیا کو نظر آ جاتا
اس کا الزام بھی بس اپنے ہی سر آ جاتا
یوں بھٹکتے ہوئے پھرتے نہ بلا مقصد ہم
گر ذرا سا بھی دعاؤں میں اثر آ جاتا
اپنے احباب میں خوش تھا وہ تو شکوہ کیسا
بات تب تھی وہ اُدھر سے جو ادھر آ جاتا
ہم وہ سورج تھے جو اپنی ہی تپش میں جھلسے
بھسم ہو جاتا مقابل وہ اگر آ جاتا
اپنی خوشیوں کا ٹھکانہ کہاں ہوتا احمد
صبح کا بھولا اگر شام کو گھر آ جاتا
رانا احمد شہید
Daagh gar chand ka duniya ko nazar aa jaata
Daagh gar chand ka duniya ko nazar aa jaata
Us ka ilzaam bhi bas apne hi sar aa jaata
Yun bhatakte hue phirte na bila maqsad hum
Gar zara sa bhi duaaon mein asar aa jaata
Apne ahbaab mein khush tha woh to shikwa kaisa
Baat tab thi woh udhar se jo idhar aa jaata
Hum woh suraj the jo apni hi tapish mein jhulse
Bhasam ho jaata muqabil woh agar aa jaata
Apni khushiyon ka thikana kahan hota Ahmed
Subha ka bhoola agar shaam ko ghar aa jaata