ہر حسین چہرے سے عاشقی نہیں ہوتی — رانا احمد شہید
شاعر
ہر حسین چہرے سے عاشقی نہیں ہوتی
ہر حسین چہرے سے عاشقی نہیں ہوتی
ہر حسین صورت تو آپ کی نہیں ہوتی
فیصلہ پلٹنے کا ابتدا میں کرتے ہیں
کشتیاں جلا دیں تو واپسی نہیں ہوتی
اب جو دل لگانا تو آنکھیں کھول کر رکھنا
ہر کسی کی فطرت میں سادگی نہیں ہوتی
عزم ہو پہاڑوں سا، سوچ آسمانوں سی
نوجوان لوگوں میں بے بسی نہیں ہوتی
میرے گھر کی تاریکی یہ گواہی دیتی ہے
بد نصیب قبروں پر روشنی نہیں ہوتی
وقت کے تھپیڑوں سے پاش پاش ہوتا ہے
جس کسی کے دل میں بھی سرکشی نہیں ہوتی
خونِ دل کے ملنے سے لفظ شعر بنتے ہیں
پر سکون لمحوں میں شاعری نہیں ہوتی
ذات کی نفی کر کے رب کو پایا جاتا ہے
صرف سر جھکانے سے بندگی نہیں ہوتی
رانا احمد شہید
Har haseen chehre se aashiqi nahi hoti
Har haseen chehre se aashiqi nahi hoti
Har haseen surat toh aap ki nahi hoti
Faisla palatne ka ibtida mein karte hain
Kashtiyan jala dein toh wapsi nahi hoti
Ab jo dil lagana toh aankhein khol kar rakhna
Har kisi ki fitrat mein saadgi nahi hoti
Azm ho paharon sa, soch aasmanon si
Naujawan logon mein be-basi nahi hoti
Mere ghar ki tareeki yeh gawahi deti hai
Bad-naseeb qabron par roshni nahi hoti
Waqt ke thaperon se pash-pash hota hai
Jis kisi ke dil mein bhi sarkashi nahi hoti
Khoon-e-dil ke milne se lafz sher bante hain
Pur-sukoon lamhon mein shayari nahi hoti
Zaat ki nafi kar ke Rab ko paya jata hai
Sirf sar jhukane se bandagi nahi hoti
شاعر کے بارے میں
رانا احمد شہید معاصر اردو ادب اور اعلیٰ تعلیم کے میدان کی ایک ایسی ہمہ جہت شخصیت ہیں جنہوں نے تدریس، تحقیق اور تخلیقی ادب تینوں شعبوں میں نمایاں خدمات انجام دی ہیں۔ 25 جون 1978ء کو پیدا ہونے والے رانا احمد شہید نے انگریزی ادب میں اعلیٰ تعلیم حاصل کی اور جامعہ پنجاب سے ایم اے، جامعہ گجرات سے ایم فل اور بعد ازاں آسٹریلیا کی ایونڈیل یونیورسٹی اور چ...
مکمل تعارف پڑھیں