کئی قصے کئی یادیں پرانی چھوڑ جاتا ہے — رانا احمد شہید
شاعر
کئی قصے کئی یادیں پرانی چھوڑ جاتا ہے
کئی قصے کئی یادیں پرانی چھوڑ جاتا ہے
وہ جب ملتا ہے اپنی اک نشانی چھوڑ جاتا ہے
بھلا مرجھائیں گے کیسے میرے دل میں وفا کے پھول
میری آنکھوں میں وہ ہر روز پانی چھوڑ جاتا ہے
میری تکمیل کا اب کوئی بھی امکاں نہیں لگتا
ادھوری وہ میرے دل کی کہانی چھوڑ جاتا ہے
مجھے اپنی غلامی سے نکلنے وہ نہیں دیتا
میری سوچوں پہ اپنی حکمرانی چھوڑ جاتا ہے
مجھے بے چین اور بے تاب رکھنے کے لیے احمد
وہ اپنی گفتگو میں کچھ معانی چھوڑ جاتا ہے
رانا احمد شہید
Kai qissay kai yaadein purani chhor jata hai
Kai qissay kai yaadein purani chhor jata hai
Woh jab milta hai apni ik nishani chhor jata hai
Bhala murjhayein ge kaise mere dil mein wafa ke phool
Meri aankhon mein woh har roz pani chhor jata hai
Meri takmeel ka ab koi bhi imkaan nahi lagta
Adhoori woh mere dil ki kahani chhor jata hai
Mujhe apni ghulami se nikalne woh nahi deta
Meri sochon pe apni hukmrani chhor jata hai
Mujhe be-chain aur be-taab rakhne ke liye Ahmed
Woh apni guftagu mein kuch ma'ani chhor jata hai
شاعر کے بارے میں
رانا احمد شہید معاصر اردو ادب اور اعلیٰ تعلیم کے میدان کی ایک ایسی ہمہ جہت شخصیت ہیں جنہوں نے تدریس، تحقیق اور تخلیقی ادب تینوں شعبوں میں نمایاں خدمات انجام دی ہیں۔ 25 جون 1978ء کو پیدا ہونے والے رانا احمد شہید نے انگریزی ادب میں اعلیٰ تعلیم حاصل کی اور جامعہ پنجاب سے ایم اے، جامعہ گجرات سے ایم فل اور بعد ازاں آسٹریلیا کی ایونڈیل یونیورسٹی اور چ...
مکمل تعارف پڑھیں