میرے گھر کے آنگن میں خامشی کا ڈیرہ ہے — رانا احمد شہید
شاعر
میرے گھر کے آنگن میں خامشی کا ڈیرہ ہے
میرے گھر کے آنگن میں خامشی کا ڈیرہ ہے
اردگرد میرے اب چار سو اندھیرا ہے
میری آنکھیں ظلمت کی اتنی عادی ہو بیٹھیں
اب تو میری آنکھوں کو کاٹتا سویرا ہے
مجھ کو چھوڑنا ہے تو یہ تمھاری مرضی ہے
ہاں مگر بتا دینا کیا قصور میرا ہے
پھر سے حکمرانوں نے کھیت گروی رکھ ڈالے
پھر سے میرے گائوں میں بھوک کا بسیرا ہے
عصمتیں جہاں ہر دن تار تار ہوتی ہیں
پرسکوں جو پھرتا ہے گا ئوں کا وڈیرا ہے
میرے بچ نکلنے کا کوئی بھی نہیں امکاں
آج مجھ کو میرے ہی دوستوں نے گھیرا ہے
رانا احمد شہید
Mere ghar ke aangan mein khamoshi ka dera hai
Mere ghar ke aangan mein khamoshi ka dera hai
Ird-gird mere ab char soo andhera hai
Meri aankhein zulmat ki itni aadi ho baithin
Ab toh meri aankhon ko kaatta savera hai
Mujh ko chhodna hai toh yeh tumhari marzi hai
Haan magar bata dena kya qasoor mera hai
Phir se hukmaranon ne khet girwi rakh daale
Phir se mere gaon mein bhook ka basera hai
Ismatein jahan har din taar taar hoti hain
Pursukoon jo phirta hai gaon ka wadera hai
Mere bach nikalne ka koi bhi nahin imkaan
Aaj mujh ko mere hi doston ne ghera hai