رابطے سب بحال رکھے ہیں — رانا احمد شہید
شاعر
رابطے سب بحال رکھے ہیں
رابطے سب بحال رکھے ہیں
درد سارے سنبھال رکھے ہیں
جتنے زہریلے سانپ ہیں ہم نے
آستینوں میں پال رکھے ہیں
امتحان حیات میں کس نے
اتنے مشکل سوال رکھے ہیں
ذہن میں اور کچھ نہیں اپنے
بس ترے خدوخال رکھے ہیں
دیدہ و دل نکال کر احمد
اس کے قدموں میں ڈال رکھے ہیں
رانا احمد شہید
Raabte sab bahal rakhe hain
Raabte sab bahal rakhe hain
Dard saare sambhal rakhe hain
Jitne zehreelay saamp hain hum ne
Aasteenon mein paal rakhe hain
Imtihan-e-hayaat mein kis ne
Itne mushkil sawal rakhe hain
Zehan mein aur kuch nahin apne
Bas tere khud-o-khaal rakhe hain
Deeda o dil nikal kar Ahmed
Us ke qadmon mein daal rakhe hain