رات کا وقت ہے، سناٹا ہے، اندھیرا ہے — رانا احمد شہید
شاعر
رات کا وقت ہے، سناٹا ہے، اندھیرا ہے
رات کا وقت ہے، سناٹا ہے، اندھیرا ہے
آج پھر ہم کو تیری یاد نے آ گھیرا ہے
میرے اخلاص میں نہ کھوٹ نہ دکھلاوا تھا
جانے کیا سوچ کے احباب نے منہ پھیراہے
وہ جو ویران سا مندر ہے وفا کا لوگو
اس کے مرکز میں میرا گھر ہے، میرا ڈیرہ ہے
میرارب وہ ہے جو دھڑکن کو بھی سن لیتا ہے
وہ جو پتھر کا صنم ہے وہ خدا تیرا ہے
میں نے سودا نہ کیا اپنی خودی کا احمد
میرے کاندھے پہ جو سر ہے وہ فقط میرا ہے
رانا احمد شہید
Raat ka waqt hai, sannata hai, andhera hai
Raat ka waqt hai, sannata hai, andhera hai
Aaj phir hum ko teri yaad ne aa ghera hai
Mere ikhlas mein na khot na dikhlawa tha
Jaane kya soch ke ahbaab ne munh phera hai
Woh jo veeran sa mandir hai wafa ka logo
Is ke markaz mein mera ghar hai, mera dera hai
Mera Rab woh hai jo dhadkan ko bhi sun leta hai
Woh jo patthar ka sanam hai woh khuda tera hai
Maine sauda na kiya apni khudi ka Ahmed
Mere kaandhe pe jo sar hai woh faqat mera hai