اس کو دیکھا تو میری آنکھ سے برسے آنسو — رانا احمد شہید
شاعر
اس کو دیکھا تو میری آنکھ سے برسے آنسو
اس کو دیکھا تو میری آنکھ سے برسے آنسو
عمر بھر جس کی جھلک کے لیے ترسے آنسو
اس کے گھر میں تھا چراغاں، تھی ہر اک سو رونق
جس کے دم سے ہیں نکلتے میرے گھر سے آنسو
ہونہ جائے کہیں وہ بھی جہاں بھر میں رسوا
ہم نے روکے رکھے اس بات کے ڈر سے آنسو
جس قدر ٹوٹ کے شدت سے انہیں چاہا ہے
اب کہاں جائیں گے اٹھ کر میرے در سے آنسو
یوں بنے بیٹھے ہیں ہم آج سراپاء غم
اب نکلنے لگے ہیں پاوٗں سے، سر سے آنسو
رانا احمد شہید
Usko dekha to meri aankh se barse aansoo
Usko dekha to meri aankh se barse aansoo
Umar bhar jis ki jhalak ke liye tarse aansoo
Us ke ghar mein tha charaghan, thi har ek su raunaq
Jis ke dam se hain nikalte mere ghar se aansoo
Hoo na jaaye kahin woh bhi jahan bhar mein ruswa
Hum ne roke rakhe is baat ke dar se aansoo
Jis qadar toot ke shiddat se inhein chaha hai
Ab kahan jaayenge uth kar mere dar se aansoo
Yun bane baithe hain hum aaj sarapa gham
Ab nikalne lage hain paaon se, sar se aansoo