عقائد وہم ہیں مذہب خیال خام ہے ساقی — ساحر لدھیانوی
شاعر
عقائد وہم ہیں مذہب خیال خام ہے ساقی
عقائد وہم ہیں مذہب خیال خام ہے ساقی
ازل سے ذہن انساں بستۂ اوہام ہے ساقی
حقیقت آشنائی اصل میں گم کردہ راہی ہے
عروس آگہی پروردۂ ابہام ہے ساقی
مبارک ہو ضعیفی کو خرد کی فلسفہ رانی
جوانی بے نیاز عبرت انجام ہے ساقی
ہوس ہوگی اسیر حلقۂ نیک و بد عالم
محبت ماورائے فکر ننگ و نام ہے ساقی
ابھی تک راستے کے پیچ و خم سے دل دھڑکتا ہے
مرا ذوق طلب شاید ابھی تک خام ہے ساقی
وہاں بھیجا گیا ہوں چاک کرنے پردۂ شب کو
جہاں ہر صبح کے دامن پہ عکس شام ہے ساقی
مرے ساغر میں مے ہے اور ترے ہاتھوں میں بربط ہے
وطن کی سر زمیں میں بھوک سے کہرام ہے ساقی
زمانہ برسر پیکار ہے پر ہول شعلوں سے
ترے لب پر ابھی تک نغمہ خیام ہے ساقی
Aqa'id Weham Hain Mazhab Khayal-e-Kham Hai Saqi
Aqa'id weham hain mazhab khayal-e-kham hai saqi
Azal se zehan-e-insaan basta-e-auhaam hai saqi
Haqeeqat aashnai asl mein gum karda raahi hai
Aroos-e-aagahi parwarda ibhaam hai saqi
Mubarak ho zaeefi ko khirad ki falsafa-raani
Jawaani be-niyaz-e-ibrat anjaam hai saqi
Hawas hogi aseer-e-halqa-e-nek-o-bad aalam
Mohabbat mawara-e-fikr-e-nang-o-naam hai saqi
Abhi tak raaste ke pech-o-kham se dil dhadakta hai
Mera zauq-e-talab shayad abhi tak kham hai saqi
Wahan bheja gaya hoon chak karne parda-e-shab ko
Jahan har subh ke daaman pe aks-e-shaam hai saqi
Mere saghar mein mai hai aur tere haathon mein barbat hai
Watan ki sar-zameen mein bhook se kohraam hai saqi
Zamana barsar-e-paikar hai pur-haul sholon se
Tere lab par abhi tak naghma-e-khayyam hai saqi
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں