توڑ لیں گے ہر اک شے سے رشتہ توڑ دینے کی نوبت تو آئے — ساحر لدھیانوی
شاعر
توڑ لیں گے ہر اک شے سے رشتہ توڑ دینے کی نوبت تو آئے
توڑ لیں گے ہر اک شے سے رشتہ توڑ دینے کی نوبت تو آئے
ہم قیامت کے خود منتظر ہیں پر کسی دن قیامت تو آئے
ہم بھی سقراط ہیں عہد نو کے تشنہ لب ہی نہ مر جائیں یارو
زہر ہو یا مئے آتشیں ہو کوئی جام شہادت تو آئے
ایک تہذیب ہے دوستی کی ایک معیار ہے دشمنی کا
دوستوں نے مروت نہ سیکھی دشمنوں کو عداوت تو آئے
رند رستے میں آنکھیں بچھائیں جو کہے بن سنے مان جائیں
ناصح نیک طینت کسی شب سوئے کوئے ملامت تو آئے
علم و تہذیب تاریخ و منطق لوگ سوچیں گے ان مسئلوں پر
زندگی کے مشقت کدے میں کوئی عہد فراغت تو آئے
کانپ اٹھیں قصر شاہی کے گنبد تھرتھرائے زمیں معبدوں کی
کوچہ گردوں کی وحشت تو جاگے غم زدوں کو بغاوت تو آئے
Toṛ leñge har ek shai se rishta toṛ dene kī naubat to ā'e
Toṛ leñge har ek shai se rishta toṛ dene kī naubat to ā'e
Ham qayāmat ke khūd muntazir hain par kisī din qayāmat to ā'e
Ham bhī Suqrāt hain ahd-e-nau ke tishna-lab hī na mar jā'eñ yāro
Zehr ho yā mai-e-ātishīñ ho koī jām-e-shahādat to ā'e
Ek tahzīb hai dostī kī ek mi'yār hai dushmanī kā
Dostoñ ne muravvat na sīkhī dushmanoñ ko adāvat to ā'e
Rind raste mein āñkheñ bichhā'eñ jo kahe ban sune mān jā'eñ
Nāseh-e-nek-tīnat kisī shab sū-e-kū-e-malāmat to ā'e
Ilm o tahzīb tārīḳh o mantiq log socheñge in mas'aloñ par
Zindagī ke mashaqqat-kade mein koī ahd-e-farāghat to ā'e
Kāñp uṭheñ qasr-e-shāhī ke gumbad thartharā uṭhe zamīn ma'badoñ kī
Kūcha-gardoñ kī vahshat to jāge gham-zadoñ ko baghāvat to ā'e
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں