برباد محبت کی دعا ساتھ لیے جا — ساحر لدھیانوی
شاعر
برباد محبت کی دعا ساتھ لیے جا
برباد محبت کی دعا ساتھ لیے جا
ٹوٹا ہوا اقرار وفا ساتھ لیے جا
اک دل تھا جو پہلے ہی تجھے سونپ دیا تھا
یہ جان بھی اے جان ادا ساتھ لیے جا
تپتی ہوئی راہوں سے تجھے آنچ نہ پہنچے
دیوانوں کے اشکوں کی گھٹا ساتھ لیے جا
شامل ہے مرا خون جگر تیری حنا میں
یہ کم ہو تو اب خون وفا ساتھ لیے جا
ہم جرم محبت کی سزا پائیں گے تنہا
جو تجھ سے ہوئی ہو وہ خطا ساتھ لیے جا
Barbaad Mohabbat Ki Dua Saath Liye Jaa
Barbaad mohabbat ki dua saath liye jaa
Toota hua iqrar-e-wafa saath liye jaa
Ek dil tha jo pehle hi tujhe saunp diya tha
Yeh jaan bhi ae jaan-e-adaa saath liye jaa
Tapti hui raahon se tujhe aanch na pahuche
Deewanon ke ashkon ki ghata saath liye jaa
Shaamil hai mera khoon-e-jigar teri hina mein
Yeh kam ho to ab khoon-e-wafa saath liye jaa
Ham jurm-e-mohabbat ki saza payenge tanha
Jo tujh se hui ho woh khata saath liye jaa
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں