بھولے سے محبت کر بیٹھا، ناداں تھا بچارا، دل ہی تو ہے — ساحر لدھیانوی
شاعر
بھولے سے محبت کر بیٹھا، ناداں تھا بچارا، دل ہی تو ہے
بھولے سے محبت کر بیٹھا، ناداں تھا بچارا، دل ہی تو ہے
ہر دل سے خطا ہو جاتی ہے، بگڑو نہ خدارا، دل ہی تو ہے
اس طرح نگاہیں مت پھیرو، ایسا نہ ہو دھڑکن رک جائے
سینے میں کوئی پتھر تو نہیں احساس کا مارا، دل ہی تو ہے
جذبات بھی ہندو ہوتے ہیں چاہت بھی مسلماں ہوتی ہے
دنیا کا اشارہ تھا لیکن سمجھا نہ اشارا، دل ہی تو ہے
بیداد گروں کی ٹھوکر سے سب خواب سہانے چور ہوئے
اب دل کا سہارا غم ہی تو ہے اب غم کا سہارا دل ہی تو ہے
Bhoole Se Mohabbat Kar Baitha, Nadan Tha Bechara, Dil Hi To Hai
Bhoole se mohabbat kar baitha, nadan tha bechara, dil hi to hai
Har dil se khata ho jaati hai, bigdo na khudara, dil hi to hai
Is tarah nigahein mat phero, aisa na ho dhadkan ruk jaaye
Seene mein koi patthar to nahin ehsaas ka maara, dil hi to hai
Jazbaat bhi Hindu hote hain chahat bhi Musalman hoti hai
Duniya ka ishaara tha lekin samjha na ishaara, dil hi to hai
Bedaad-garon ki thokar se sab khwab suhane choor hue
Ab dil ka sahara gham hi to hai ab gham ka sahara dil hi to hai
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں