بجھا دیے ہیں خود اپنے ہاتھوں محبتوں کے دیے جلا کے — ساحر لدھیانوی
شاعر
بجھا دیے ہیں خود اپنے ہاتھوں محبتوں کے دیے جلا کے
بجھا دیے ہیں خود اپنے ہاتھوں محبتوں کے دیے جلا کے
مری وفا نے اجاڑ دی ہیں امید کی بستیاں بسا کے
تجھے بھلا دیں گے اپنے دل سے یہ فیصلہ تو کیا ہے لیکن
نہ دل کو معلوم ہے نہ ہم کو جئیں گے کیسے تجھے بھلا کے
کبھی ملیں گے جو راستے میں تو منہ پھرا کر پلٹ پڑیں گے
کہیں سنیں گے جو نام تیرا تو چپ رہیں گے نظر جھکا کے
نہ سوچنے پر بھی سوچتی ہوں کہ زندگانی میں کیا رہے گا
تری تمنا کو دفن کر کے ترے خیالوں سے دور جا کے
Bujha Diye Hain Khud Apne Haathon Mohabbaton Ke Diye Jala Ke
Bujha diye hain khud apne haathon mohabbaton ke diye jala ke
Meri wafa ne ujaad di hain umeed ki bastiyan basa ke
Tujhe bhula denge apne dil se yeh faisla to kiya hai lekin
Na dil ko maloom hai na hum ko jiyein ge kaise tujhe bhula ke
Kabhi milenge jo raaste mein to munh phira kar palat padenge
Kahin sunenge jo naam tera to chup rahen ge nazar jhuka ke
Na sochne par bhi sochti hoon ke zindagani mein kya rahega
Teri tamanna ko dafn kar ke tere khayalon se door ja ke
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں