دیکھا ہے زندگی کو کچھ اتنے قریب سے — ساحر لدھیانوی
شاعر
دیکھا ہے زندگی کو کچھ اتنے قریب سے
دیکھا ہے زندگی کو کچھ اتنے قریب سے
چہرے تمام لگنے لگے ہیں عجیب سے
اے روح عصر جاگ کہاں سو رہی ہے تو
آواز دے رہے ہیں پیمبر صلیب سے
اس رینگتی حیات کا کب تک اٹھائیں بار
بیمار اب الجھنے لگے ہیں طبیب سے
ہر گام پر ہے مجمع عشاق منتظر
مقتل کی راہ ملتی ہے کوئے حبیب سے
اس طرح زندگی نے دیا ہے ہمارا ساتھ
جیسے کوئی نباہ رہا ہو رقیب سے
Dekha Hai Zindagi Ko Kuch Itne Qareeb Se
Dekha hai zindagi ko kuch itne qareeb se
Chehre tamam lagne lage hain ajeeb se
Ae rooh-e-asr jaag kahan so rahi hai tu
Aawaz de rahe hain payambar saleeb se
Is reingti hayat ka kab tak uthaayen baar
Beemaar ab ulajhne lage hain tabeeb se
Har gaam par hai majma-e-ushshaq muntazir
Maqtal ki raah milti hai koo-e-habeeb se
Is tarah zindagi ne diya hai hamara saath
Jaise koi nibha raha ho raqeeb se
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں