ہر قدم مرحلۂ دار و صلیب آج بھی ہے — ساحر لدھیانوی
شاعر
ہر قدم مرحلۂ دار و صلیب آج بھی ہے
ہر قدم مرحلۂ دار و صلیب آج بھی ہے
جو کبھی تھا وہی انساں کا نصیب آج بھی ہے
جگمگاتے ہیں افق پر یہ ستارے لیکن
راستہ منزل ہستی کا مہیب آج بھی ہے
سر مقتل جنہیں جانا تھا وہ جا بھی پہنچے
سر منبر کوئی محتاط خطیب آج بھی ہے
اہل دانش نے جسے امر مسلم مانا
اہل دل کے لیے وہ بات عجیب آج بھی ہے
یہ تری یاد ہے یا میری اذیت کوشی
ایک نشتر سا رگ جاں کے قریب آج بھی ہے
کون جانے یہ ترا شاعر آشفتہ مزاج
کتنے مغرور خداؤں کا رقیب آج بھی ہے
Har qadam marhala-e-dār o salīb āj bhī hai
Har qadam marhala-e-dār o salīb āj bhī hai
Jo kabhī thā vahī insāñ kā nasīb āj bhī hai
Jagmugāte hain ufuq par ye sitāre lekin
Rāstā manzil-e-hastī kā mahīb āj bhī hai
Sar-e-maqtal jinhen jānā thā vo jā bhī pahuñche
Sar-e-mimbar koī mohtāt khaṭīb āj bhī hai
Ehl-e-dānish ne jise amr-e-musallam mānā
Ehl-e-dil ke liye vo baat ajīb āj bhī hai
Ye tirī yaad hai yā merī aziyyat-koshī
Ek nishtar sā rag-e-jāñ ke qarīb āj bhī hai
Kaun jāne ye tirā shā'ir-e-āshufta-mizāj
Kitne maghrūr ḳhudāoñ kā raqīb āj bhī hai
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں