ہوس نصیب نظر کو کہیں قرار نہیں — ساحر لدھیانوی
شاعر
ہوس نصیب نظر کو کہیں قرار نہیں
ہوس نصیب نظر کو کہیں قرار نہیں
میں منتظر ہوں مگر تیرا انتظار نہیں
ہمیں سے رنگ گلستاں ہمیں سے رنگ بہار
ہمیں کو نظم گلستاں پہ اختیار نہیں
ابھی نہ چھیڑ محبت کے گیت اے مطرب
ابھی حیات کا ماحول خوش گوار نہیں
تمہارے عہد وفا کو میں عہد کیا سمجھوں
مجھے خود اپنی محبت پہ اعتبار نہیں
نہ جانے کتنے گلے اس میں مضطرب ہیں ندیم
وہ ایک دل جو کسی کا گلہ گزار نہیں
گریز کا نہیں قائل حیات سے لیکن
جو سچ کہوں کہ مجھے موت ناگوار نہیں
یہ کس مقام پہ پہنچا دیا زمانے نے
کہ اب حیات پہ تیرا بھی اختیار نہیں
Hawas-nasīb nazar ko kahīn qarār nahīn
Hawas-nasīb nazar ko kahīn qarār nahīn
Maiñ muntazir hūñ magar terā intizār nahīn
Hameñ se rang-e-gulistāñ hameñ se rang-e-bahār
Hameñ ko nazm-e-gulistāñ pe iḳhtiyār nahīn
Abhī na chheṛ mohabbat ke gīt ai mutrib
Abhī hayāt kā māhaul k͟hush-gavār nahīn
Tumhāre ahd-e-wafā ko maiñ ahd kyā samjhūñ
Mujhe khūd apnī mohabbat pe i'tibār nahīn
Na jaane kitne gile is mein muztarib hain Nadīm
Vo ek dil jo kisī kā gila-guzār nahīn
Gurez kā nahīn qā'il hayāt se lekin
Jo sach kahūñ ke mujhe maut nāgavār nahīn
Ye kis maqām pe pahuñchā diyā zamāne ne
Ke ab hayāt pe terā bhī iḳhtiyār nahīn
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں