خودداریوں کے خون کو ارزاں نہ کر سکے — ساحر لدھیانوی
شاعر
خودداریوں کے خون کو ارزاں نہ کر سکے
خودداریوں کے خون کو ارزاں نہ کر سکے
ہم اپنے جوہروں کو نمایاں نہ کر سکے
ہو کر خراب مے ترے غم تو بھلا دیے
لیکن غم حیات کا درماں نہ کر سکے
ٹوٹا طلسم عہد محبت کچھ اس طرح
پھر آرزو کی شمع فروزاں نہ کر سکے
ہر شے قریب آ کے کشش اپنی کھو گئی
وہ بھی علاج شوق گریزاں نہ کر سکے
کس درجہ دل شکن تھے محبت کے حادثے
ہم زندگی میں پھر کوئی ارماں نہ کر سکے
مایوسیوں نے چھین لیے دل کے ولولے
وہ بھی نشاط روح کا ساماں نہ کر سکے
K͟huddāriyoñ ke khūn ko arzāñ na kar sake
K͟huddāriyoñ ke khūn ko arzāñ na kar sake
Ham apne jauharoñ ko numāyāñ na kar sake
Ho kar k͟harāb-e-mai tere gham to bhulā diye
Lekin gham-e-hayāt kā darmāñ na kar sake
Tūṭā tilism-e-ahd-e-mohabbat kuchh is tarah
Phir ārzū kī sham'-e-furzāñ na kar sake
Har shai qarīb ā ke kashish apnī kho ga'ī
Vo bhī ilāj-e-shauq-e-gurezāñ na kar sake
Kis darjah dil-shikan the mohabbat ke hādshe
Ham zindagī mein phir koī armāñ na kar sake
Māyūsiyoñ ne chhīn liye dil ke valvale
Vo bhī nishāt-e-rūh kā sāmāñ na kar sake
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں