لب پہ پابندی تو ہے احساس پر پہرا تو ہے — ساحر لدھیانوی
شاعر
لب پہ پابندی تو ہے احساس پر پہرا تو ہے
لب پہ پابندی تو ہے احساس پر پہرا تو ہے
پھر بھی اہل دل کو احوال بشر کہنا تو ہے
خون اعدا سے نہ ہو خون شہیداں ہی سے ہو
کچھ نہ کچھ اس دور میں رنگ چمن نکھرا تو ہے
اپنی غیرت بیچ ڈالیں اپنا مسلک چھوڑ دیں
رہنماؤں میں بھی کچھ لوگوں کا یہ منشا تو ہے
ہے جنہیں سب سے زیادہ دعویٔ حب الوطن
آج ان کی وجہ سے حب وطن رسوا تو ہے
بجھ رہے ہیں ایک اک کر کے عقیدوں کے دیے
اس اندھیرے کا بھی لیکن سامنا کرنا تو ہے
جھوٹ کیوں بولیں فروغ مصلحت کے نام پر
زندگی پیاری سہی لیکن ہمیں مرنا تو ہے
Lab pe pābandī to hai ehsās par pehrā to hai
Lab pe pābandī to hai ehsās par pehrā to hai
Phir bhī ahl-e-dil ko ahvāl-e-bashar kahnā to hai
Khūn-e-a'dā se na ho khūn-e-shahīdāñ hī se ho
Kuchh na kuchh is daur mein rang-e-chaman nikhra to hai
Apnī ghairat bech ḍāleñ apnā maslak chhoṛ deñ
Rāhnumāoñ mein bhī kuchh logoñ kā ye manshā to hai
Hai jinheñ sab se ziyādah da'wī-e-hubb-ul-watan
Āj un kī vajah se hubb-e-watan rusvā to hai
Bujh rahe hain ek ek kar kar ke aqīdoñ ke diye
Is andhere kā bhī lekin sāmnā karnā to hai
Jhūṭ kyuñ boleñ farogh-e-maslihat ke nām par
Zindagī pyārī sahī lekin hameñ marnā to hai
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں