محبت ترک کی میں نے گریباں سی لیا میں نے — ساحر لدھیانوی
شاعر
محبت ترک کی میں نے گریباں سی لیا میں نے
محبت ترک کی میں نے گریباں سی لیا میں نے
زمانے اب تو خوش ہو زہر یہ بھی پی لیا میں نے
ابھی زندہ ہوں لیکن سوچتا رہتا ہوں خلوت میں
کہ اب تک کس تمنا کے سہارے جی لیا میں نے
انہیں اپنا نہیں سکتا مگر اتنا بھی کیا کم ہے
کہ کچھ مدت حسیں خوابوں میں کھو کر جی لیا میں نے
بس اب تو دامن دل چھوڑ دو بے کار امیدو
بہت دکھ سہہ لیے میں نے بہت دن جی لیا میں نے
Mohabbat tark kī maiñ ne garībāñ sī liyā maiñ ne
Mohabbat tark kī maiñ ne garībāñ sī liyā maiñ ne
Zamāne ab to khush ho zehr ye bhī pī liyā maiñ ne
Abhī zindah hūñ lekin sochtā rahtā hūñ khilvat mein
Ke ab tak kis tamannā ke sahāre jī liyā maiñ ne
Inheñ apnā nahīn saktā magar itnā bhī kyā kam hai
Ke kuchh muddat hasīñ khvāboñ mein kho kar jī liyā maiñ ne
Bas ab to dāman-e-dil chhoṛ do bekār ummīdo
Bahut dukh sah liye maiñ ne bahut din jī liyā maiñ ne
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں