سنسار کی ہر شے کا اتنا ہی فسانہ ہے — ساحر لدھیانوی
شاعر
سنسار کی ہر شے کا اتنا ہی فسانہ ہے
سنسار کی ہر شے کا اتنا ہی فسانہ ہے
اک دھند سے آنا ہے اک دھند میں جانا ہے
یہ راہ کہاں سے ہے یہ راہ کہاں تک ہے
یہ راز کوئی راہی سمجھا ہے نہ جانا ہے
اک پل کی پلک پر ہے ٹھہری ہوئی یہ دنیا
اک پل کے جھپکنے تک ہر کھیل سہانا ہے
کیا جانے کوئی کس پر کس موڑ پر کیا بیتے
اس راہ میں اے راہی ہر موڑ بہانا ہے
ہم لوگ کھلونا ہیں اک ایسے کھلاڑی کا
جس کو ابھی صدیوں تک یہ کھیل رچانا ہے
Sañsār kī har shai kā itnā hī fasānā hai
Sañsār kī har shai kā itnā hī fasānā hai
Ek dhund se ānā hai ek dhund mein jānā hai
Ye rāh kahāñ se hai ye rāh kahāñ tak hai
Ye rāz koī rāhī samjhā hai na jānā hai
Ek pal kī palak par hai ṭhahrī huī ye dunyā
Ek pal ke jhapukne tak har khel suhānā hai
Kyā jāne koī kis par kis moṛ par kyā bīte
Is rāh mein ai rāhī har moṛ bahānā hai
Ham log khilaunā hain ek aise khilāṛī kā
Jis ko abhī sadiyoñ tak ye khel rachānā hai
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں