طرب زاروں پہ کیا بیتی صنم خانوں پہ کیا گزری — ساحر لدھیانوی
شاعر
طرب زاروں پہ کیا بیتی صنم خانوں پہ کیا گزری
طرب زاروں پہ کیا بیتی صنم خانوں پہ کیا گزری
دل زندہ ترے مرحوم ارمانوں پہ کیا گزری
زمیں نے خون اگلا آسماں نے آگ برسائی
جب انسانوں کے دل بدلے تو انسانوں پہ کیا گزری
ہمیں یہ فکر ان کی انجمن کس حال میں ہوگی
انہیں یہ غم کہ ان سے چھٹ کے دیوانوں پہ کیا گزری
مرا الحاد تو خیر ایک لعنت تھا سو ہے اب تک
مگر اس عالم وحشت میں ایمانوں پہ کیا گزری
یہ منظر کون سا منظر ہے پہچانا نہیں جاتا
سیہ خانوں سے کچھ پوچھو شبستانوں پہ کیا گزری
چلو وہ کفر کے گھر سے سلامت آ گئے لیکن
خدا کی مملکت میں سوختہ جانوں پہ کیا گزری
Tarab-zāroñ pe kyā bītī sanam-khānoñ pe kyā guzarī
Tarab-zāroñ pe kyā bītī sanam-khānoñ pe kyā guzarī
Dil zindah tere marhūm armānoñ pe kyā guzarī
Zamīn ne khūn uglā āsmān ne āg barsāī
Jab insānoñ ke dil badle to insānoñ pe kyā guzarī
Hameñ ye fikr un kī anjuman kis hāl mein hogī
Inheñ ye gham ke un se chhuṭ ke dīvānoñ pe kyā guzarī
Merā ilhād to khair ek la'nat thā so hai ab tak
Magar is ālam-e-vahshat mein īmānoñ pe kyā guzarī
Ye manzar kaun sā manzar hai pahchānā nahīn jātā
Siyah-khānoñ se kuchh pūchho shabistānoñ pe kyā guzarī
Chalo vo kufr ke ghar se salāmat ā ga'e lekin
Khuda kī mamlakat mein sokhta-jānoñ pe kyā guzarī
شاعر کے بارے میں
اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیان...
مکمل تعارف پڑھیں