آؤ پھر گرمی دیار عشق میں پیدا کریں — سیماب اکبر آبادی
شاعر
آؤ پھر گرمی دیار عشق میں پیدا کریں
آؤ پھر گرمی دیار عشق میں پیدا کریں
طور کی مٹی سے تخلیق ید بیضا کریں
حسن میں ہو عشق کی بو عشق میں ہو رنگ حسن
پھر مرتب رنگ و بوئے نو سے اک دنیا کریں
جتنے نغمے ہو چکے ہیں گم فضائے دہر میں
ان کو پھر آواز دیں اک ساز میں یکجا کریں
مل چکے ہیں خاک میں جو ٹوٹ کر پھولوں کے جام
ان کو دست شاخ میں پھر ساغر و مینا کریں
زندگی دو دن کی اس پر یہ جہاں ایجادیاں
اہتمام اتنا کریں سیمابؔ اور پھر کیا کریں
Aao phir garmi-e dayar-e ishq mein paida karein
Aao phir garmi-e dayar-e ishq mein paida karein
Toor ki mitti se takhleeq-e yad-e baiza karein
Husn mein ho ishq ki boo ishq mein ho rang-e husn
Phir murattab rang-o boo-e nau se ik duniya karein
Jitne naghme ho chuke hain gum faza-e dehr mein
Un ko phir aawaaz dein ik saaz mein yakja karein
Mil chuke hain khaak mein jo toot kar phoolon ke jaam
Un ko dast-e shakh mein phir saghar-o meena karein
Zindagi do din ki is par yeh jahaan eejaadiyaan
Ehtemaam itna karein Seemabؔ aur phir kya karein
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں