شام کی دعا — سیماب اکبر آبادی
شاعر
شام کی دعا
شام ہوئی اور سورج ڈوبا
رات نے اپنا خیمہ ڈالا
دھوپ کہاں اب ہے اندھیارا
سماں ہے ٹھنڈا پیارا پیارا
دن بھر خوب پڑھے اور کھیلے
دیکھے اس دنیا کے میلے
یاد کرو سب دن کی باتیں
کیا کیا کام کیے تھے دن میں
کس کو مارا کس کو لوٹا
لڑنے میں کس کا سر پھوٹا
کام کیا ہے نیک بھی کوئی
تم نے دعا لی ایک بھی کوئی
نیک اگر کچھ کام کیا ہے
تو سمجھو یہ دن اچھا ہے
مانگو اپنے رب سے دعائیں
یا رب سر سے ٹال بلائیں
شام سویرے کا تو مالک
اور اندھیرے کا تو مالک
صبح بھی تجھ سے شام بھی تجھ سے
ہے ان کا انجام بھی تجھ سے
جیسے دن راحت سے گزرا
گزرے یوں ہی رات بھی مولا
نام ترا میں لے کر جاگوں
کھاؤں پیوں اور دوڑوں بھاگوں
کھیلوں کودوں اور پڑھوں میں
شاد رہوں آباد رہوں میں
Shaam ki Dua
Shaam hui aur suraj dooba
Raat ne apna khaima dala
Dhoop kahan ab hai andhiyara
Saman hai thanda pyara pyara
Din bhar khoob padhe aur khele
Dekhe is duniya ke mele
Yaad karo sab din ki baatein
Kya kya kaam kiye the din mein
Kis ko mara kis ko loota
Ladne mein kis ka sar phoota
Kaam kiya hai nek bhi koi
Tum ne dua li ek bhi koi
Nek agar kuchh kaam kiya hai
To samjho yeh din achha hai
Maango apne Rab se duayen
Ya Rab sar se taal balayen
Shaam sawere ka tu Malik
Aur andhere ka tu Malik
Subha bhi tujh se shaam bhi tujh se
Hai in ka anjaam bhi tujh se
Jaise din rahat se guzra
Guzre yun hi raat bhi Maula
Naam tera main le kar jaagoon
Khaoon piyoon aur daudoon bhagoon
Kheloon koodoon aur padhoon main
Shaad rahoon abaad rahoon main
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں