وہ جب رنگ پریشانی کو خلوت گیر دیکھیں گے — سیماب اکبر آبادی
شاعر
وہ جب رنگ پریشانی کو خلوت گیر دیکھیں گے
وہ جب رنگ پریشانی کو خلوت گیر دیکھیں گے
تو اپنے ہر تصور میں مری تصویر دیکھیں گے
سنا ہے حسن کو دہ چند کر دیتا ہے یہ شیشہ
لگا کر اپنے دل میں آپ کی تصویر دیکھیں گے
وفا کا تذکرہ کیا اب تو یہ ارشاد ہے ان کا
کہ تم نالہ کرو ہم گرمئ تاثیر دیکھیں گے
شکستہ ہر کڑی ہے ہر کڑی میں دل کے ٹکڑے ہیں
بڑی عبرت سے دیوانے مری زنجیر دیکھیں گے
خیال حشر و نشر فکر اے سیمابؔ لا حاصل
کہ ہے تقدیر میں جو کچھ بہر تقدیر دیکھیں گے
Wo jab rang-e-pareshani ko khalwat-geer dekhen ge
Wo jab rang-e-pareshani ko khalwat-geer dekhen ge
To apne har tasawwur mein meri tasweer dekhen ge
Suna hai husn ko do chand kar deta hai ye sheesha
Laga kar apne dil mein aap ki tasweer dekhen ge
Wafa ka tazkira kya ab to ye irshad hai un ka
Ke tum nala karo hum garmi-e-taseer dekhen ge
Shikasta har kadi hai har kadi mein dil ke tukde hain
Badi ibarat se deewane meri zanjeer dekhen ge
Khayal-e-hashr o nashr fikr ae Seemab, la hasil
Ke hai taqdeer mein jo kuch behr-e-taqdeer dekhen ge
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں