برسات — سیماب اکبر آبادی
شاعر
برسات
برکھا آئی بادل آئے
اوڑھے کالے کمبل آئے
ٹھنڈی ٹھنڈی آئیں ہوائیں
کالی کالی چھائیں گھٹائیں
گرمی نے ڈیرا اٹھوایا
دھوپ پہ سایہ غالب آیا
پھیلا دن کے ساتھ دھندلکا
بھورا بھورا ہلکا ہلکا
بدلی آئی شور مچاتی
بھیگے بھیگے نغمے گاتی
بادل سے امرت جل برسا
امرت جل کیا کومل برسا
ہو گئی زندہ مردہ کھیتی
دھل گئے ذرے چمکی ریتی
دریا اور سمندر ابھرے
تازہ موجیں لے کر ابھرے
تازگیاں ہیں جنگل جنگل
ہر جنگل میں ہے اب منگل
یہ رت یا برسات کا موسم
ہے گویا جذبات کا موسم
Barsat
Barkha aayi badal aaye
Odhe kaale kambal aaye
Thandi thandi aayin hawayen
Kaali kaali chhaien ghatayen
Garmi ne dera uthwaya
Dhoop pe saya ghalib aaya
Phaila din ke saath dhundalka
Bhoora bhoora halka halka
Badli aayi shor machati
Bheege bheege naghme gaati
Badal se amrit jal barsa
Amrit jal kya komal barsa
Ho gayi zinda murda kheti
Dhul gaye zarre chamki raiti
Dariya aur samundar ubhre
Taza maujen le kar ubhre
Tazagiyan hain jungle jungle
Har jungle mein hai ab mangal
Ye rut ya barsaat ka mausam
Hai goya jazbaat ka mausam
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں