عزم فریاد! انہیں اے دل ناشاد نہیں — سیماب اکبر آبادی
شاعر
عزم فریاد! انہیں اے دل ناشاد نہیں
عزم فریاد! انہیں اے دل ناشاد نہیں
مسلک اہل وفا ضبط ہے فریاد نہیں
حاصل عشق بجز خاطر ناشاد نہیں
یہ غنیمت ہے کہ محنت مری برباد نہیں
اے مری قید تمنا کے بڑھانے والے
غیر محدود ترے حسن کی میعاد نہیں
بزم افسانہ کرو ختم جوانی گزری
قابل ذکر اب آگے کوئی روداد نہیں
موت ہے روح کی معراج تو پھر اے سیمابؔ
یہ علو ہے مری دانست میں افتاد نہیں
Azm e faryaad! Inhein ae dil e nashaad nahin
Azm e faryaad! Inhein ae dil e nashaad nahin
Maslak e ahl e wafa zabt hai faryaad nahin
Hasil e ishq bajuz khatir e nashaad nahin
Ye ghaneemat hai ke mehnat meri barbaad nahin
Ae meri qaid e tamanna ke badhane wale
Ghair mahdood tere husn ki miyaad nahin
Bazm e afsana karo khatm jawani guzri
Qabil e zikr ab aage koi roodad nahin
Maut hai rooh ki mairaj to phir ae Seemab
Ye ulu hai meri danish mein iftad nahin
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں