بدن سے روح رخصت ہو رہی ہے — سیماب اکبر آبادی
شاعر
بدن سے روح رخصت ہو رہی ہے
بدن سے روح رخصت ہو رہی ہے
مکمل قید غربت ہو رہی ہے
میں خود ترک تعلق پر ہوں مجبور
کچھ ایسی ہی طبیعت ہو رہی ہے
جفا ان کی دل زود آشنا پر
بہ مقدار محبت ہو رہی ہے
خدا سے مل گیا ہے حسن کافر
خدائی پر حکومت ہو رہی ہے
نہیں تنہائی زنداں مکمل
مجھے سایہ سے وحشت ہو رہی ہے
یہ تم ہنس ہنس کے باتیں کر رہے ہو
کہ تقسیم جراحت ہو رہی ہے
اگر مشرب نہیں بدلا ہے سیمابؔ
تو کیوں تجدید بیعت ہو رہی ہے
Badan se rooh rukhsat ho rahi hai
Badan se rooh rukhsat ho rahi hai
Mukammal qaid e ghurbat ho rahi hai
Main khud tark e ta'alluq par hoon majboor
Kuch aisi hi tabiyat ho rahi hai
Jafa un ki dil e zaud aashna par
Ba miqdar e mohabbat ho rahi hai
Khuda se mil gaya hai husn e kafir
Khudai par hukumat ho rahi hai
Nahin tanhai e zindaan mukammal
Mujhe saya se wahshat ho rahi hai
Ye tum hans hans ke baatein kar rahe ho
Ke taqseem e jarahat ho rahi hai
Agar mashrab nahin badla hai Seemab
To kyun tajdeed e bai'at ho rahi hai
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں