بڑی دلچسپیوں سے صبح شام زندگی ہوگی — سیماب اکبر آبادی
شاعر
بڑی دلچسپیوں سے صبح شام زندگی ہوگی
بڑی دلچسپیوں سے صبح شام زندگی ہوگی
میں دیکھوں گا انہیں اور ساری دنیا دیکھتی ہوگی
کچھ ایسے درد سے فرقت میں میں نے ہاتھ اٹھائے ہیں
دعا بھی کامیابی کی دعائیں مانگتی ہوگی
سر محشر حجاب و شوق کا اک معرکہ ہوگا
انہیں اپنی پڑی ہوگی مجھے اپنی پڑی ہوگی
نہ کرتے حشر کو رسوا کبھی دن کے اجالے میں
خبر کیا تھی تری فرقت کی رات اتنی بڑی ہوگی
تعجب کیا لگے گر آگ اے سیمابؔ سینے میں
ہزاروں دل میں انگارے بھرے تھے لگ گئی ہوگی
Badi dilchaspiyon se subh-o shaam zindagi hogi
Badi dilchaspiyon se subh-o shaam zindagi hogi
Main dekhoonga unhein aur saari duniya dekhti hogi
Kuchh aise dard se furqat mein maine haath uthaaye hain
Dua bhi kamyabi ki duayein maangti hogi
Sar-e mahshar hijaab-o shauq ka ik maarkah hoga
Unhein apni padi hogi mujhe apni padi hogi
Na karte hashr ko ruswa kabhi din ke ujale mein
Khabar kya thi teri furqat ki raat itni badi hogi
Ta'ajjub kya lage gar aag aye Seemabؔ seene mein
Hazaron dil mein angaare bhare the lag gayi hogi
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں