بقید وقت یہ مژدہ سنا رہا ہے کوئی — سیماب اکبر آبادی
شاعر
بقید وقت یہ مژدہ سنا رہا ہے کوئی
بقید وقت یہ مژدہ سنا رہا ہے کوئی
کہ انقلاب کے پردے میں آ رہا ہے کوئی
خودی کو راہ خدائی پہ لا رہا ہے کوئی
ابھی دماغ بشر آزما رہا ہے کوئی
جہاں خرابۂ ہستی مٹا رہا ہے کوئی
وہیں کہیں نئی دنیا بنا رہا ہے کوئی
ابھی نقاب کشائی حسن ہے دشوار
وہی اٹھے ہوئے پردے اٹھا رہا ہے کوئی
جو ذہن میں ہے وہ تصویر بن نہیں چکتی
بنا بنا کے ہیولے مٹا رہا ہے کوئی
بھلا رہا ہے کسی کو تو بر بنائے مآل
یہ غور کر کہ بھلایا بھی جا رہا ہے کوئی
دل فسردہ کی باتوں پہ یہ تبسم ناز
کلی کو پھول بنانا سکھا رہا ہے کوئی
وفا کی داد ہے کوتاہیٔ وفا کی دلیل
میں جانتا ہوں کہ ہمت بڑھا رہا ہے کوئی
حدیث کہنہ ہے روداد انقلاب چمن
سنی ہوئی سی کہانی سنا رہا ہے کوئی
مری وفاؤں کا ہے اعتراف میرے بعد
خوشا نصیب مجھے کھو کے پا رہا ہے کوئی
ہے اپنے سائے سے وحشت میں کس قدر تسکیں
سمجھ رہا ہوں مرے ساتھ آ رہا ہے کوئی
نصیب ذوق ہو سیمابؔ قسمت موسیٰ
ہمیں بھی طور کی جانب بلا رہا ہے کوئی
Baqayud-e-waqt yeh muzhda suna raha hai koi
Baqayud-e-waqt yeh muzhda suna raha hai koi
Keh inquilab ke parde mein aa raha hai koi
Khudi ko rah-e-khudai pe la raha hai koi
Abhi dimagh-e-bashar aazma raha hai koi
Jahan kharabah-e-hasti mita raha hai koi
Wahin kahin nayi duniya bana raha hai koi
Abhi naqaab-kushai-e-husn hai dushwaar
Wohi uthe hue parde utha raha hai koi
Jo zehen mein hai wo tasveer ban nahin sakti
Bana bana ke heule mita raha hai koi
Bhula raha hai kisi ko to bar banaye maal
Yeh ghaur kar ke bhulaya bhi ja raha hai koi
Dil-e-fasurda ki baaton pe yeh tabassum-e-naz
Kali ko phool banana sikha raha hai koi
Wafa ki daad hai kotahi-e-wafa ki daleel
Main jaanta hoon ke himmat badha raha hai koi
Hadees-e-kuhna hai roodad-e-inquilab-e-chaman
Suni hui si kahani suna raha hai koi
Meri wafaon ka hai eteraaf mere baad
Khusha naseeb mujhe kho ke pa raha hai koi
Hai apne saaye se wahshat mein kis qadar taskeen
Samajh raha hoon mere saath aa raha hai koi
Naseeb-e-zauq ho Seemaab qismat-e-Musa
Humein bhi Toor ki jaanib bula raha hai koi
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں