چھپاتا ہوں مگر چھپتا نہیں درد نہاں پھر بھی — سیماب اکبر آبادی
شاعر
چھپاتا ہوں مگر چھپتا نہیں درد نہاں پھر بھی
چھپاتا ہوں مگر چھپتا نہیں درد نہاں پھر بھی
نگاہ یاس ہو جاتی ہے دل کی ترجماں پھر بھی
غم واماندگی سے بے نیاز ہوش بیٹھا ہوں
چلی آتی ہے آواز درائے کارواں پھر بھی
حجاب اندر حجاب امواج طوفان تجلی ہیں
فروغ شمع سے پروانہ ہے آتش بجاں پھر بھی
اشاروں سے نگاہوں سے بہت کچھ منع کرتا ہوں
قفس ہی پر جھکی پڑتی ہے شاخ آشیاں پھر بھی
بہت دلچسپ ہے سیمابؔ شام وادئ غربت
وطن کی صبح میں کچھ اور تھیں رنگینیاں پھر بھی
Chhupata hoon magar chhupata nahin dard e nihan phir bhi
Chhupata hoon magar chhupata nahin dard e nihan phir bhi
Nigah e yaas ho jaati hai dil ki tarjuman phir bhi
Gham o wamandagi se be-niyaz hosh baitha hoon
Chali aati hai aawaz e daray-e-karwan phir bhi
Hijab andar hijab amwaj e toofan e tajalli hain
Farogh e shama se parwana hai aatish ba jaan phir bhi
Ishaaron se nigahon se bahut kuch mana karta hoon
Qafas hi par jhuki padti hai shakh e aashiyan phir bhi
Bahut dilchasp hai Seemab sham-e-wadi-e-ghurbat
Watan ki subah mein kuch aur thin ranginiyan phir bhi
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں