دل تیرے تغافل سے خبردار نہ ہو جائے — سیماب اکبر آبادی
شاعر
دل تیرے تغافل سے خبردار نہ ہو جائے
دل تیرے تغافل سے خبردار نہ ہو جائے
یہ فتنہ کہیں خواب سے بیدار نہ ہو جائے
مدت سے یہی پردہ یہی پردہ دری ہے
ہو کوئی تو پردہ سے نمودار نہ ہو جائے
مجھ سے مرا افسانۂ ماضی نہ سنو تم
افسانہ نیا پھر کوئی تیار نہ ہو جائے
اے مستئ الفت سبق کفر دیئے جا
جب تک مجھے ہر چیز سے انکار نہ ہو جائے
ہونا ہے جو ہستی کو مری خاک ہی سیمابؔ
پہلے ہی سے کیوں خاک در یار نہ ہو جائے
Dil tere taghaful se khabardar na ho jaaye
Dil tere taghaful se khabardar na ho jaaye
Yeh fitnah kahin khwaab se bedaar na ho jaaye
Muddat se yehi pardah yehi pardah-dari hai
Ho koi to pardah se namoodaar na ho jaaye
Mujh se mera afsanah-e maazi na suno tum
Afsanah naya phir koi taiyaar na ho jaaye
Aye masti-e ulfat sabaq-e kufr diye ja
Jab tak mujhe har cheez se inkaar na ho jaaye
Hona hai jo hasti ko meri khaak hi Seemabؔ
Pehle hi se kyon khaak-e dar-e yaar na ho jaaye
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں