ہم ہیں سر تا بہ پا تمنا (ردیف .. ٰ) — سیماب اکبر آبادی
شاعر
ہم ہیں سر تا بہ پا تمنا (ردیف .. ٰ)
ہم ہیں سر تا بہ پا تمنا
کیسی امید کیا تمنا
ہو کتنی ہی خوش گوار پھر بھی
ہے دل کے لیے بلا تمنا
دیتے ہو پیام آرزو تم
جب ترک میں کر چکا تمنا
دنیا کو فریب دے رہی ہے
جلوہ ہے سراب کا تمنا
اپنی منزل پہ ہم نہ پہنچے
جب تک رہی رہنما تمنا
مابین نگاہ و جلوۂ حسن
ہے ایک حجاب سا تمنا
الجھا رہا آرزو میں غافل
کیوں خود ہی نہ بن گیا تمنا
آواز تو دو کسے پکاروں
تم ہو مرے دل میں یا تمنا
سیمابؔ مآل شوق معلوم
ام للانسان ما تمنیٰ
Hum hain sar ta ba pa tamanna
Hum hain sar ta ba pa tamanna
Kaisi ummeed kya tamanna
Ho kitni hi khushgawar phir bhi
Hai dil ke liye bala tamanna
Dete ho payam e aarzoo tum
Jab tark main kar chuka tamanna
Duniya ko fareb de rahi hai
Jalwa hai sarab ka tamanna
Apni manzil pe hum na pahuche
Jab tak rahi rahnuma tamanna
Ma bain e nigah o jalwa e husn
Hai ek hijab sa tamanna
Uljha raha aarzoo mein ghafil
Kyun khud hi na ban gaya tamanna
Aawaz to do kise pukaru
Tum ho mere dil mein ya tamanna
Seemab mal e shauq maloom
Am lil insani ma tamanna
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں