اجازت دے کہ اپنی داستان غم بیاں کر لیں — سیماب اکبر آبادی
شاعر
اجازت دے کہ اپنی داستان غم بیاں کر لیں
اجازت دے کہ اپنی داستان غم بیاں کر لیں
ترے احساس اور اپنی زباں کا امتحاں کر لیں
حیات جاوداں بھی عشق میں برباد کر لیں گے
متاع ہستی فانی تو پہلے رائیگاں کر لیں
یہ سازش کر رہے ہیں چند تنکے آشیانے کے
کہ بجلی کو کسی صورت اسیر آشیاں کر لیں
شب غم اے تصور ان کو مجبور تبسم کر
مرتب اس اجالے میں ہم اپنی داستاں کر لیں
ٹھکانا ہو کہاں سیمابؔ پھر ناز آفرینی کا
اگر ہم اپنے دل کو بے نیاز دو جہاں کر لیں
Ijazat de ke apni dastaan-e-gham bayan kar lein
Ijazat de ke apni dastaan-e-gham bayan kar lein
Tere ehsaas aur apni zabaan ka imtehaan kar lein
Hayaat-e-javidaan bhi ishq mein barbaad kar lein ge
Mata-e-hasti fani to pehle raayegaan kar lein
Ye sazish kar rahe hain chand tinke aashiyane ke
Ke bijli ko kisi soorat aseer-e-aashiyaan kar lein
Shab-e-gham ae tasawwur in ko majboor-e-tabassum kar
Murattab is ujale mein hum apni dastaan kar lein
Thikana ho kahan Seemab phir naaz-e-aafreeni ka
Agar hum apne dil ko be-niyaz-e-do jahan kar lein
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں