عشق خود مائل حجاب ہے آج — سیماب اکبر آبادی
شاعر
عشق خود مائل حجاب ہے آج
عشق خود مائل حجاب ہے آج
حسن مجبور اضطراب ہے آج
مے کدہ غم کدہ ہے تیرے بغیر
سرنگوں شیشۂ شراب ہے آج
متغیر ہے عالم جذبات
کون اس دل میں باریاب ہے آج
زندگی جس میں سانس لیتی تھی
وہ زمانہ خیال و خواب ہے آج
مٹ گئے دل کے ولولے سیمابؔ
ختم افسانۂ شباب ہے آج
Ishq khud maael-e-hijab hai aaj
Ishq khud maael-e-hijab hai aaj
Husn majboor-e-iztirab hai aaj
Mai-kada gham-kada hai tere baghair
Sar-nigoon sheesha-e-sharab hai aaj
Mutaghayyir hai alam-e-jazbaat
Kaun is dil mein baaryaab hai aaj
Zindagi jis mein saans leti thi
Wo zamana khayal o khwab hai aaj
Mit gaye dil ke walwale Seemaab
Khatm afsana-e-shabab hai aaj
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں