جاگ اور دیکھ ذرا عالم ویراں میرا — سیماب اکبر آبادی
شاعر
جاگ اور دیکھ ذرا عالم ویراں میرا
جاگ اور دیکھ ذرا عالم ویراں میرا
صبح کے بھیس میں نکلا ہے گریباں میرا
فطرت آرائے جنوں ہے تن عریاں میرا
میری بیچارگیاں ہیں سر و ساماں میرا
غلبۂ یاس بجا شدت حرماں تسلیم
میں سمجھتا ہوں کہ مرنا نہیں آساں میرا
توڑ کلیاں مگر اے خانہ بر انداز چمن
عرض یہ ہے کہ نشیمن نہ ہو عریاں میرا
تمہیں کیوں مد نظر اب ہے خرابی اس کی
تم تو کہتے تھے کہ گھر ہے دل انساں میرا
تھا یہ فیض نگہ لطف و کرم اے سیمابؔ
ہو گیا حرف غلط دفتر عصیاں میرا
Jaag aur dekh zara alam-e-veeran mera
Jaag aur dekh zara alam-e-veeran mera
Subah ke bhes mein nikla hai girebaan mera
Fitrat aara-e-junoon hai tan-e-uryan mera
Meri bechargiyan hain sar o saamaan mera
Ghalba-e-yaas baja shiddat-e-hirmaaN tasleem
Main samajhta hoon ke marna nahin aasaan mera
Tod kaliyan magar aye khaana bar andaaz-e-chaman
Arz yeh hai ke nasheeman na ho uryaan mera
Tumhein kyun madd-e-nazar ab hai kharabi us ki
Tum to kehte thhe ke ghar hai dil-e-insan mera
Tha yeh faiz-e-nigah-e-lutf o karam aye Seemaab
Ho gaya harf-e-ghalat daftar-e-isyaan mera
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں