جہان رنگ و بو میں مستقل تخلیق مستی ہے — سیماب اکبر آبادی
شاعر
جہان رنگ و بو میں مستقل تخلیق مستی ہے
جہان رنگ و بو میں مستقل تخلیق مستی ہے
چمن میں رات بھر بنتی ہے اور دن بھر برستی ہے
نگاہ عشق و چشم حسن دو ساون کے بادل ہے
یہ جب ملتے ہیں دل پر ایک بجلی سی برستی ہے
اگر ہے زندگی منظور بے سوچے فنا ہو جا
مذاق عاشقی میں نیستی کا نام ہستی ہے
یکایک پھر چراغ امید کے ہونے لگے روشن
یہ صبح روز محشر ہے کہ شام صبح ہستی ہے
خدا سے حکم تنسیخ اجل مانگیں گے محشر میں
مگر سیمابؔ یہ تو قصۂ ما بعد ہستی ہے
Jahan e rang o bu mein mustaqil takhliq e masti hai
Jahan e rang o bu mein mustaqil takhliq e masti hai
Chaman mein raat bhar banti hai aur din bhar barasti hai
Nigah e ishq o chashm e husn do sawan ke badal hai
Ye jab milte hain dil par ek bijli si barasti hai
Agar hai zindagi manzoor be soche fana ho ja
Mazaq e ashiqi mein neesti ka naam hasti hai
Yakayak phir charagh e ummeed ke hone lage roshan
Ye subah e roz e mahshar hai ke sham e subah e hasti hai
Khuda se hukm e tanseekh e ajal maangen ge mahshar mein
Magar Seemab ye to qissa ma ba'ad e hasti hai
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں