جلوہ گاہ دل میں مرتے ہی اندھیرا ہو گیا — سیماب اکبر آبادی
شاعر
جلوہ گاہ دل میں مرتے ہی اندھیرا ہو گیا
جلوہ گاہ دل میں مرتے ہی اندھیرا ہو گیا
جس میں تھے جلوے ترے وہ آئنہ کیا ہو گیا
جب تصور نے بڑھا دی نالۂ موزوں کی لے
ساز بے آواز سے اک شعر پیدا ہو گیا
نجد کے ہرنوں سے اعجاز محبت پوچھیے
پڑ گئی جس پر نگاہ قیس لیلیٰ ہو گیا
جان دے دی میں نے تنگ آ کر وفور درد سے
آج منشائے جفائے دوست پورا ہو گیا
اب کہاں مایوسیوں میں ضبط کی گنجائشیں
وہ بھی کیا دن تھے کہ تیرا غم گوارا ہو گیا
دل کھنچا جتنا قفس میں آشیانے کی طرف
دور اتنا ہی قفس سے آشیانا ہو گیا
رفتہ رفتہ ہو گئے جذب اس میں جلوے سینکڑوں
دل مرا سیمابؔ تصویر سراپا ہو گیا
Jalwa gah e dil mein marte hi andhera ho gaya
Jalwa gah e dil mein marte hi andhera ho gaya
Jis mein the jalwe tere wo aaina kya ho gaya
Jab tasawwur ne badha di nala e mauzoon ki lay
Saaz e be-aawaz se ek sher paida ho gaya
Najd ke hiranon se eijaz e mohabbat poochhiye
Pad gai jis par nigah e Qais Laila ho gaya
Jaan de di maine tang aa kar wufur e dard se
Aaj mansha-e-jafa-e-dost pura ho gaya
Ab kahan mayusiyon mein zabt ki gunjaishain
Wo bhi kya din the ke tera gham gawara ho gaya
Dil khincha jitna qafas mein aashiyane ki taraf
Door itna hi qafas se aashiyana ho gaya
Rafta rafta ho gaye jazb is mein jalwe sainkdon
Dil mera Seemab tasveer e sarapa ho gaya
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں