جو سالک ہے تو اپنے نفس کا عرفان پیدا کر — سیماب اکبر آبادی
شاعر
جو سالک ہے تو اپنے نفس کا عرفان پیدا کر
جو سالک ہے تو اپنے نفس کا عرفان پیدا کر
حقیقت تیری کیا ہے پہلے یہ پہچان پیدا کر
جہاں جانے کو سب دشوار ہی دشوار کہتے ہیں
وہاں جانے کا کوئی راستہ آسان پیدا کر
حقیقت کا کہے جو حال کر ایسی زباں پیدا
محبت کے سنیں جو گیت ایسے کان پیدا کر
حدود عالم تکویں میں سب ممکن ہی ممکن ہے
تو نا ممکن کے جھگڑے میں نہ پڑا امکان پیدا کر
الٰہی بھید تیرے اس نے ظاہر کر دیئے سب پر
کہا تھا کس نے تو سیمابؔ کو انسان پیدا کر
Jo salik hai to apne nafs ka irfan paida kar
Jo salik hai to apne nafs ka irfan paida kar
Haqeeqat teri kya hai pehle ye pehchan paida kar
Jahan jaane ko sab dushwaar hi dushwaar kehte hain
Wahan jaane ka koi raasta aasaan paida kar
Haqeeqat ka kahe jo haal kar aisi zabaan paida
Mohabbat ke sunein jo geet aise kaan paida kar
Hudood-e-alam-e-takween mein sab mumkin hi mumkin hai
Tu na mumkin ke jhagde mein na pada imkaan paida kar
Ilahi bhed tere is ne zaahir kar diye sab par
Kaha tha kis ne tu Seemab ko insaan paida kar
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں